مصطلحات فلسطينية
أوقات هيك بتطلع معنا كلمات وألفاظ غريبة بس بنصير نستعملها ..
و كل بلد أو منطقة إلها حصيلة من هادي الكلمات والمصطلحات .. يعنى بتكون إشى مميز الها ..
وأكيد الفلسطينية ما شاء الله عليهم عندهم شوية مصطلحات غير شكل ..
فهي شويه مصطلحات فلسطينية على الآخر, يعني غزاوية ع مجدلاويه ع حماميه ع نابلسية ومن هنا وهنا ششششش مشكل يعني ...
بنكيت = الرصيف في الشارع
شمينت = نوع من انواع اللبن مفردة من مخلفات العدو الصهيوني
الكوربة = راس الشارع = لفة آخر الشارع
ضاوي = فاقد = ما بفهم اشي
براد = إبريق
بشكير = منشفة اللي بنشف فيها وجهنا على الصبح
ابطيني = يعني بياكل اكل ما شاء الله ولا هو داري عن حاله
عشرطعش = يقصد فيها الكثرة من الشئ
رمزون = إشارة مرور ضوئية
سطل = جردل = دلو
هواية = مروحة
نونة = يعني شوي
نتفة = اقل من شوية
ونجك حالك = يعني زبط حالك
روق يا ضاوي = يعني وحد الله يا مجنون
على بلاطة = يعني من الآخر
شكشوكه = (اكله ) بندوره وبيض
بابوج = شبشب
معصلج = مزرجن = مش راضي أو بمعنى آخر راكب راسه
فورسة = فسحة اللي في نص الحصص في المدرسة
جمطة = يعنى ما بتنبلع = ما تنزل من زور
اجنص = لنج =جديد
مواسرجي = السباك ... الرجل الذي يقوم بتصلح المجاري
حنفية = صنبور= مصورة
قاع الدار = الجزء الامامي للدار
قزاز = زجاج
سيرج = زيت الذرة او زيت عباد الشمس
قداحة = ولاعة
بربيج = خرطوم المياة
زمور = منبه السيارة
منقرز = محتاج الى سيجارة
مخرمن = محتاج شاي او قهوة ههههه
شخبطة = خرابيش الجاج
شقلب وجهك عني= يعني ما بدي اشوف خلقتك
سبهللة = يعني بدون مسؤولية
افتح مخك وطقطق دنيك = ركز معي الله لايسيئك
تلقحيه = واحد رامي حالو علينا ,ملقوف بالخليجى
دكانة = سوبر ماركت
نتخرف = ندردش مع بعض
ام العبد و ابو العبد = اسم فلسطيني قح
قح = عالاخر
فرم الشاب = طحنه = خلاه زي الطحينه
جلدة راسه خميله = عبيط او بفهمش بسرعه
بدكاش = ما بدك
شاكوش = مطرقة
شمر = ارفع البنطلون او الجلبية وافكح او اجري
افكح = اجري = اخلع = طير = املص = اشرد
غفي = سافر = أجر الطوابق = في سابع نومة = نام
عرة = خيخة = خرونغ (gh) = جبان
مجخم = مخمج = محمض = معفن
قرفان = واحد مش طايق حالو بالمرة
سك عالدم = يعني انسى ومش فايقلك
برقان = برتقال بس الواحد بيكون مستعجل
بوزك = وجهك
الحين = الان بس احنا النا بعد تانى عن الحياه ( حمامي) ههههه
حبيبى يا حج = حبيبى يا قلق = حبيبى يا لوز = حبيبى يا حوت
اوعى تتزحلق = يعنى تندب دير بالك فى صابون على البلاط
يخفي هالبشقة = يخفي هالبوز = يخفي هالشكل = ( دعوة على الإنسان بالاختفاء من على وجه الكرة الأرضية )
احلقلو = طنشو = ماتعبرهوش
ترللي = مهوي = اهبل
يجاكر = يعاند
زبدية = صحن من الفخار لعمل الدقة الغزاوية
ورق دوالي: ورق عنب
اسكومية = يعني ايس كريم هههههههه ( الدلع )
الفرشوحه = يعني سندويش الشاورما بالغزاوي القح
ريحة : يعني عطر
قصافة = يعني مقص أظافر
هلأ = الان = هسا = هلقيت = الحين بالفلاحي
مستهلسكو = يعني مش معبركو
مطعوج = من الفعل انطعج والمصدر تاعو انطعاج وهو الشء المعوج
فشكة = بيت الرصاصة الفارغه...
ازعق عليه = نادي عليه
ضلك كاوي = ضلك ماشي على طول (نفس الطريق )
يختي = اسلوب نداء للمؤنث
يخو= اسلوب نداء للمذكر
بعكش = فتش = ابحث = دور
بسكليت = يعني دراجة
بنكش راس= بمزح
ياريت اللي بشرفنا بمروره يكتبلنا شوية كلمات حصرية إلو
يعنى طلعت معه بلحظة زهق .. طفش .. زهزهة .. فرفطة .. و اعتمدها فى حكيو .
الرئيسية 
التسجيل 
دخول 
الإثنين مايو 05, 2008 10:43 am